வாரச் சந்தை - 11.07.2011

தத்துவம்

நீங்களே வேணாம்னாலும், விதி உங்ககிட்ட விளையாடத் தான் செய்யும் - நேத்து நான் போன பஸ்ல "சுறா" படம் போட்டா மாதிரி!

பொன்மொழி 

ஒவ்வொருவரும் உலகத்தை மாற்ற நினைக்கிறார்களே தவிர, தம்மை ஒருபோதும் மாற்றிக்கொள்ள நினைப்பதில்லை - லியோ டால்ஸ்டாய் ரும் உலகத்தை மாற்ற நினைக்கிறார்களேயொழிய தம்மை மாற்றிக்கொள்ள

ஜோக்

ஜான் டாக்டரிடம் வந்து "டாக்டர், என் மனைவிக்கு சரியாவே காது கேக்க மாட்டேங்குது, எதையும் ரெண்டு தடவை கேட்டாதான், பதில் சொல்றா"

டாக்டர் ,"முதல்ல ஒரு பதினஞ்சு அடி தூரத்துலேர்ந்து கேளுங்க, அப்புறம் ஒரு பத்து அடி தள்ளி நின்னுகிட்டு கேளுங்க, அப்புறம் அஞ்சு அடி, அப்புறம் ஒரு அடி தள்ளி நின்னு கேளுங்க, அப்புறம் என்கிட்டே வந்து சொல்லுங்க, அப்போதான் ட்ரீட்மென்ட் பத்தி யோசிக்க முடியும்" என்று சொன்னார்.

வீட்டுக்கு வந்த ஜான் பதினஞ்சு அடி தள்ளி நின்றுகொண்டு  "டிபன் என்ன செய்யப் போறே?" என்றான். பதில் இல்லை, பாத்து அடி தள்ளி நின்றுகொண்டு  ."டிபன் என்ன செய்யப் போறே?" என்றான். பதில் இல்லை, அஞ்சு அடி கிட்ட வந்து "டிபன் என்ன செய்யப் போறே?" என்றான் பதில் இல்லை, ஒரு அடி தூரத்தில் நின்றுகொண்டு "டிபன் என்ன செய்யப் போறே?" என்று இரைந்து கேட்டான்.

மனைவி சொன்னாள், "நாலாவது தடவையா சொல்றேன், சப்பாத்தி செய்யப் போறேன்".நி

கேள்வி

அப்படி ஒன்னு இருந்ததே இல்லை, யாரும் பார்த்ததும் இல்லை, இருந்தாலும் நிச்சயம் இருக்கு. அது என்ன?

Answer: நாளை (Tomorrow)

(பதிலே அதுதான்பா!)

கவிதை 

என் மூளையின்

ஒவ்வொரு செல்லிலும் 

நிறைந்துவிட்டாய்

நீ

இல்லாத நாளை

நினைத்துக் கூடப் 

பார்க்க முடியவில்லை

என் உயிர் நீ,

என் இயக்கம் நீ

என் எல்லாமும் நீ

என் இனிய

இண்டர்நெட்டே!