மொக்கை வாங்கலியோ மொக்கை:

இது மூணும் கவிதை

(ஒத்துக்காதவங்களுக்கு -

கேட்டுக்குங்க, இது மூணும் கவிதைதான்)

1. விருப்பம்

கணக்கு பாடம் என்றால்

எனக்கு

அல்வா சாப்பிடுவதுபோல்,

ஒரு பின்குறிப்பு:

எனக்கு சர்க்கரை வியாதி!

******************************

2. ஒரு ஒண்ணாங்கிளாஸ்(?!) கவிதை

அழகு முகத்தில்

ஆயிரம் எண்ணம் தேக்கி

இனிய புன்னகை

ஈந்திடும் பெண்ணே!

உன்னைக் கண்டதும்

ஊணினைத் துறந்து

என்னை மறந்து

ஏக்கம் கொண்டேன்

ஐயமே இல்லை

ஒப்பற்றவள் நீ,

ஓ என் மானே!

(ஔவளவுதான்.)

***********************

3. ஒரு நியாயமான கோபம்

ஏன் இந்த விடலைகள்

எல்லாம்

பெண்களைச் சுற்றி

வந்து தங்கள்

வாழ்க்கையை

மட்டுமல்லாமல்

அந்தப் பெண்ணின்

வாழ்க்கையையும்

வீணடிக்கிறார்கள் -

அயோக்கியப் பயல்கள்

என்ற எண்ணம் வந்தது

- என் பெண் காலேஜ்

சென்றுவரும்போது.

*******************************************************************************************************
காலத்தின் கோலங்கள்

காதலி:

கனவில் வந்து

தொல்லை கொடுக்கும்

இனிய பிசாசு

அவளே மனைவியானால் :

கனவிலும் வந்து

தொல்லை கொடுக்கும்

இல்லப் பிசாசு.

காதலன் :

குச்சி ஐஸ் கேட்டால்

ஐஸ் பார்லருக்கே

கூட்டிச் செல்வான்

அவனே கணவனானால் :

நகை கேட்கும்போது

புன்னகை இருக்க

பொன் நகை எதற்கு

என்று சமாளிப்பான்.

மகன் :

சரியான ஹிட்லர்டா

என் அப்பா என்பான்.

அவனே அப்பாவானபின்:

என் அப்பாகிட்ட

எனக்கு இருக்கும்

அன்பு

என் மகனுக்கு

அவங்கப்பாகிட்ட

இல்லையே என்று புலம்புவான்.

வாத்தியார் நாற்காலியில்

முள்ளை வைத்து விளையாடிய

மாணவன்

ஆசிரியரானபின்

சொல்லிக் கொடுப்பது

மாதா பிதா குரு தெய்வம்.