இப்படி இருந்தா எப்படி இருக்கும்?

ஒருவர் சிற்பங்கள் விற்கும் ஒரு கடைக்கு போனார். அங்கே இருக்கும் சிற்பங்களை எல்லாம் பார்த்துக் கொண்டிருந்தார். அங்கே இருந்த ஒரு எலி சிலை மிக அருமையாக இருந்தது. அங்கே வந்த கடைக்காரர், "என்ன சார், இந்த சிலை ரொம்ப தத்ரூபமா இருக்கா? இந்த சிலை வேணும்னா வாங்கிக்குங்க, விலை ஐநூறு ரூபாய் ஆனா,இந்த சிலைக்குப் பின்னால ஒரு கதை இருக்கு, அதை சொல்லனும்னா ஐயாயிரம் ரூபாய் ஆகும்" என்றார்.
"கதை எல்லாம் வேணாங்க, சிலை மட்டும் கொடுங்க" என்று சொல்லிவிட்டு அந்த சிலையை வாங்கிக்கொண்டு போனார் அவர்.
கொஞ்ச தூரம் போனதும் பார்த்தால்  இரண்டு எலிகள் அவர் பின்னால் வந்து கொண்டிருந்தன. இன்னும் கொஞ்சதூரம் போனதும், சுமார் நூறு எலிகள் வந்தன. இன்னும் கொஞ்சதூரம் போனதும் ஆயிரக் கணக்கான எலிகள் அணிவகுத்து வந்தன. பதறிப்போன அவர், அந்த எலியை ஒரு ஆற்றில் வீசி எறிந்தார். உடனே, எல்லா எலிகளும் அந்த ஆற்றில் விழுந்து உயிர் விட்டன. ஒரு நிமிடம் திகைத்த அவர் விடுவிடுவென்று அந்தச் சிற்பக் கடைக்கு போனார்.

கடைக்காரர் அவரைப் பார்த்து, "நீங்க வருவீங்கன்னு தெரியும், அந்த எலிசிலை பின்னால உள்ள கதை பத்திதான கேக்கப் போறீங்க?" என்று கேட்டார்.

அவர் சொன்னார், "அதெல்லாம் இல்லை, உங்ககிட்ட அரசியல்வாதி சிலை இருக்கா?"

டிஸ்கி: மொக்கை போட்டு ரொம்ப நாள் ஆச்சுன்னு நினைக்கிறேன். பீ ரெடி!